یورپی کمیشن نے اسرائیل کیساتھ تجارتی مراعات معطل کرنے، انتہا پسند اسرائیلی وزرا اور پُرتشدد یہودی آبادکاروں پر پابندی کی تجویز دے دی۔
حماس کے 10رہنماؤں پر بھی یورپی کمیشن کی جانب سے پابندیاں عائد کرنے کی تجویز دی گئی ہے۔ یورپی کمیشن نے نیتن یاہو کابینہ کے 2 انتہائی دائیں بازو وزرا پر پابندی لگانے پر زور دیا ہے۔
یورپی کمیشن نے اسرائیل کیساتھ دوطرفہ تعاون معطل کرنے کا اعلان کرتے ہوئے کہا کہ تعاون صرف سول سوسائٹی اور یادواشیم ہولوکاسٹ ریسرچ سینٹر تک محدود ہو گا۔
کمیشن نے کہا کہ اسرائیلی حکومت کی کارروائیاں انسانی حقوق کی خلاف ورزی ہیں۔ یورپی کمیشن نےمغربی کنارے میں ای ون پلان دوریاستی حل کیلئے خطرہ قرار دیدیا تاہم یورپی یونین میں اسرائیل پر پابندیوں کے معاملے پر اختلاف برقرار ہے۔
اسپین اور آئرلینڈ نے اقتصادی پابندیوں اور اسلحہ پابندی کا مطالبہ کیا ہے لیکن جرمنی اور ہنگری نے اسرائیلی حکومت پر پابندیوں کی مخالفت کی ہے
