فوڈ اتھارٹی کی کارروائی، ناقص اور آلودہ سویاں تلف

راولپنڈی(25 اکتوبر 2025): فوڈ اتھارٹی راولپنڈی نے 1200 کلو ناقص اور چھپکلیوں کے فضلات سے بھری سویاں تلف کردی۔
تفصیلات کے مطابق فوڈ اتھارٹی راولپنڈی نے سویاں پروڈکشن یونٹ کیخلاف کارروائی کی اس دوران 1200 کلو ناقص اور چھپکلیوں کے فضلات سے بھری سویاں تلف کردی گئیں۔
یہ کارروائی پنجاب اسمال انڈسٹریل اسٹیٹ بھاتر جھنگ روڈ راولپنڈی میں کی گئی، ترجمان فوڈ اتھارٹی کا کہنا ہے کہ سویاں یونٹ میں صفائی کے انتہائی ناقص انتظامات پائے گئے۔
ترجمان فوڈ اتھارٹی کے مطابق سویاں یونٹ کو انتہائی ناقص انتظامات کی بنا پر 75 ہزار کے جرمانے عائد کیے گئے ہیں، اس سے قبل فوڈ سیفٹی ٹیموں نے گوجرانوالہ میں گرینڈ آپریشن کرتے ہوئے میں 14فوڈ پوائنٹس اور یونٹس کی چیکنگ کی۔
اس دوران ایک یونٹ بند اور 11 کو 9 لاکھ 80 ہزار کے جرمانے عائد کردیئے جبکہ برآمد کی گئی 1000 کلو ناقص املی، 200 کلو سویاں اور 2 من سے زائد دیگر ممنوعہ اجزا تلف کرد یئے۔
ڈائریکٹر جنرل پنجاب فوڈ اتھارٹی عاصم جاوید نے کہا کہ یونٹ میں صفائی کے ناقص انتظامات، حشرات الارض کی بھر مار پائی گئی تھی جس پر ان کے جرمانے عائد کیے گئے۔