اسلام آباد (20 دسمبر 2025): وفاقی وزیر اطلاعات عطا تارڑ کا کہنا ہے کہ ڈان میڈیا گروپ نے حکومتی اشتہارات ملنے کے باوجود ملازمین کو نوکری سے نکال دیا۔
میڈیا سے گفتگو کرتے ہوئے عطا تارڑ کا کہنا تھا کہ گزشتہ 13 ماہ کے دوران ڈان میڈیا گروپ کو 86 کروڑ روپے کے حکومتی اشتہارات دیے گئے،
اس کے باوجود ملازمین کو نوکری سے نکال دیا گیا۔ عطا تارڑ کا کہنا ہے کہ ڈان پاکستان کے بڑے میڈیا گروپس میں سے ایک ہے، لیکن اس کا تمام تر انحصار حکومتی اشتہارات پر ہونا کوئی اچھی بات نہیں ہے۔
واضح رہے کہ پاکستان کے معروف میڈیا گروپ ڈان نے اپنی اردو ویب سائٹ ڈان اردو کو آمدنی میں کمی کے باعث بند کرنے کا اعلان کیا ہے۔ ڈان اردو ویب سائٹ کئی برسوں سے اردو زبان میں خبریں اور تجزیے فراہم کر رہی تھی اور اسے اردو ڈیجیٹل صحافت کے اہم پلیٹ فارمز میں شمار کیا جاتا تھا۔
