ایڈن گارڈنز میں بھارت اور جنوبی افریقا کے درمیان پہلے ٹیسٹ کے پہلے دن بھارتی فاسٹ بولر جسپریت بمراہ کو ان کے ایک متنازع جملے نے مشکل میں ڈال دیا۔
یہ واقعہ اس وقت پیش آیا جب جنوبی افریقی کپتان ٹیمبا باووما بھارتی بولر جسپریت بمراہ کی گیند پر ایل بی ڈبلیو کی اپیل کا سامنا کر رہے تھے،گیند باووما کے پیڈ پر لگی اور بمراہ نے پرزور اپیل کی لیکن امپائر نے اسے ناٹ آؤٹ قرار دے دیا۔
فیصلے کے بعد بمراہ اور ان کے ساتھی کھلاڑی ڈی آر ایس لینے یا نہ لینے پر بات کر رہے تھے کہ اسی دوران اسٹمپ مائیک پر بمراہ کی آواز ریکارڈ ہوئی جس میں وہ مبینہ طور پر باووما کے قد پر طنز کرتے ہوئے یہ کہتے سنائی دیے کہ ’بونا بھی ہے‘، ساتھ ہی انہوں نے گالی بھی دی۔
