بنوں: ہوید کے علاقے میں دہشتگردوں نے امن کمیٹی کے ممبران پر فائرنگ کر کے چار افراد کو جاں بحق کردیا۔ پولیس کے مطابق امن کمیٹی کے ارکان گلبدین لنڈائی ڈاک میں جرگے سے واپسی پر تھے کہ گھات لگائے دہشتگردوں نے ان پر اندھا دھند فائرنگ کردی۔ فائرنگ کے نتیجے میں جاں بحق ہونے والوں میں باپ بیٹا بھی شامل ہیں۔
واقعے کے بعد پولیس اور سیکیورٹی فورسز نے علاقے کو گھیرے میں لے کر سرچ آپریشن شروع کردیا جبکہ لاشوں کو پوسٹ مارٹم کے لیے ڈسٹرکٹ ہیڈ کوارٹر اسپتال منتقل کردیا گیا ہے۔
دوسری جانب امن کمیٹی کے ارکان نے واقعے کے بعد علاقے میں دہشت گردوں کے خلاف مزاحمت جاری رکھنے کے عزم کا اظہار کیا ہے۔
