ایشیا کپ 2025: سری لنکا نے ہانگ کانگ کو 4 وکٹوں سے ہرا دیا

دبئی میں کھیلے گئے میچ میں سری لنکا نے ہانگ کانگ کی جانب سے دیا جانے والا 150 رنز کا ہدف 6 وکٹوں کے نقصان پر 19ویں اوور میں حاصل کرلیا۔
پتھم نسانکا نے 68 رنز کی اننگز کھیلی، ان کی اننگ میں 6 چوکے اور 2 چھکے شامل تھے ۔
کوشل مینڈس 11 رنز بنا کر آؤٹ ہوئے، کمل مشرا 19 رنز بنا کر اعزاز خان کا نشانہ بنے، کوشل پریرا 20 رنز بنا کر آؤٹ ہوئے۔
ہانگ کانگ کی جانب سے ایوش اور اعزاز خان نے ایک، ایک وکٹ حاصل کی۔
اس سے قبل ہانگ کانگ نے 4 وکٹوں کے نقصان پر 149 رنز بنائے تھے اور سری لنکا کو جیت کے لیے 150 رنز کا ہدف دیا تھا۔
نزاکت خان نے 38 گیندوں پر 52 رنز کی اننگز کھیلی تھی، انشومن نے 48 اور ذیشان علی نے 23 رنز اسکور کیے تھے۔
سری لنکا کی جانب سے چمیرا نے 2، ہسارنگا اور شاناکا نے ایک، ایک وکٹ حاصل کی تھی۔