تفصیلات کے مطابق ترجمان کے پی حکومت بیرسٹر سیف نے میڈیا کو دیئے گئے انٹرویو میں پارٹی کے اندرونی معاملات پر بات کرتے ہوئے کہا کہ علیمہ خانم یا کسی کا نام نہیں لیتا لیکن جو بات بانی کہتے ہیں وہ اسی طرح بتانا چاہئے، بانی پی ٹی آئی نے بعض دفعہ یہ کہا میں نےتو یہ بات اس طرح نہیں کہی تھی۔
ترجمان کا کہنا تھا کہ سینیٹ امیدواروں کی نامزدگی کے وقت بھی ہنگامہ کھڑا کیا گیا لیکن میں نے واضح کیا تھا کہ یہ بانی پی ٹی آئی کی امانت ہے۔
انھوں نے کہا کہ علیمہ خانم یا کسی بندے کے پاس پارٹی کا کوئی عہدہ نہیں کہ مجھے روک سکے کیونکہ میں ایک حکومت کا عہدے دار ہوں۔
پنجاب حکومت پر تنقید کرتے ہوئے بیرسٹر سیف نے کہا کہ صوبے میں “بڑی زبردست ٹک ٹاک حکومت” چل رہی ہے۔ “یونیورسٹیز کو چاہیے کہ مریم نواز پر ایک ماڈیول بنائیں کہ کس طرح ٹک ٹاک سے حکومت چلائی جا سکتی ہے۔
ان کا کہنا تھا کہ پنجاب ڈوبا ہوا ہے اور عوام کے اربوں روپے صرف اپنی تصاویر پروموٹ کرنے پر خرچ کیے جا رہے ہیں،”۔
