اغوا کے کئی واقعات رونما ہوتے رہتے ہیں مگر لاہور میں تو جنات نے مبینہ طور پر دو بچوں کی ماں کو ہی اغوا کر لیا۔

[7:24 AM, 9/8/2025] Waseem Uncle: تاوان، ذاتی دشمنی، شادی کے لیے اغوا کرنے کے متعدد واقعات آپ سب نے سن اور پڑھ رکھے ہوں گے۔ تاہم لاہور میں اغوا کا اپنی نوعیت کا ایک ایسا منفرد واقعہ پیش آیا ہے، جس میں ایک خاتون نے اپنی بیٹی کے اغوا کا الزام جنات پر عائد کیا ہے۔
رہنما نیوز کے مطابق لاہور کے علاقے کاہنہ میں دو بچوں کی ماں فوزیہ بی بی 6 سال قبل 2019 میں لاپتہ ہو گئی تھی۔ اس کی والدہ نے یہ نا قابل یقین دعویٰ کیا تھا کہ اس کی بیٹی کو جنات (شیاطین) نے اغوا کیا ہے اور کاہبہ پولیس نے اس وقت والدہ کی مدعیت میں دفعہ 365 (اغوا) کے تحت مقدمہ نمبر 1572/2019 بھی درج کیا تھا۔
تاہم بیٹی کے نہ ملنے پر والدہ نے عدالت سے رجوع کیا اور وہاں بھی یہی موقف اختیار کیا۔ لاہور ہائیکورٹ کی چیف جسٹس جسٹس عالیہ نیلم نے پولیس کو فوزیہ کی جلد بازیابی کا حکم دے دیا۔ جس کے بعد پولیس ایک بار پھر حرکت میں آ گئی ہے۔
جنات کے ہاتھوں مبینہ اغوا ہونے والی خاتون فوزیہ کا سراغ لگانے کے لیے لاہور پولیس نے دوبارہ تلاش شروع کرتے ہوئے 9 اعلیٰ افسران پر مشتمل ایک خصوصی ٹیم بھی تشکیل دے دی ہے۔ اس ٹیم نے متعدد زاویوں سے تحقیقات اور تلاش شروع کر دی ہے۔
مذکورہ کیس میں مبینہ مغویہ کی تلاش کے لیے تشکیل دی گئی خصوصی تحقیقاتی ٹیم ڈی آئی جی انویسٹی گیشن لاہور ذیشان رضا کی سربراہی میں تشکیل دی گئی ہے۔ ٹیم میں ایس ایس پی عاصم کمبوہ، ایس پی ماڈل ٹاؤن انویسٹی گیشن لاہور محمد ایاز، ڈی ایس پی اسپیشل برانچ، ڈی ایس پی سیف سٹی، ڈی ایس پیز سی سی ڈی حسنین حیدر اور دانش رانجھا، ڈی ایس پی انویسٹی گیشن کاہنہ سرکل لاہور عثمان حیدر اور انچارج انسپکٹر زاہد سلیم شامل ہیں۔
[7:25 AM, 9/8/2025] Waseem Uncle: پشاور: وزیراعلیٰ خیبر پختونخوا علی امین گنڈاپور نے رواں ماہ پشاور میں جلسہ کرنے کا اعلان کیا ہے، حقیقی آزادی کے لیے جلسہ ہوگا۔
وزیراعلیٰ کےپی علی امین گنڈاپور نے جلسے کے حوالے سے کہا کہ حقیقی آزادی، آئین و قانون کی بالادستی کے لیے جلسہ ہوگا، بانی پی ٹی آئی کی ہدایت ہے کہ سیلابی صورتحال کو دیکھتے ہوئے جلسہ کریں۔
انھوں نے جسلے کی تاریخ کے حوالے سے بتاتے ہوئے کہا کہ جب جلسہ کریں گے اس سے 5 دن پہلے تاریخ کا اعلان کریں گے۔
علی امین گنڈاپور نے کہا کہ حق کی جنگ لڑرہے ہیں جس میں سب کو شرکت کرنی ہو گی، اس جلسے کو پاکستان کی تاریخ کا یادگار جلسہ بنانا ہوگا۔
وزیراعلیٰ خیبر پختونخوا کا مزید کہنا تھا کہ جلسے سے مخالفین اور پوری دنیا کو پیغام دینا ہے کہ عوام کیا چاہتے ہیں، بانی پی ٹی آئی کی شروع کی گئی حقیقی آزادی کی جنگ کا میاب ہوگی