معروف اداکارہ صبا قمر نے وزیراعلیٰ پنجاب مریم نواز کے حالیہ اقدامات کو سراہتے ہوئے کہا ہے کہ وہ پنجاب میں ہونی والی تبدیلیوں کا مشاہدہ کر رہی ہیں اور مریم نواز کی تقریر نے بہتری کے لیے حقیقی عزم دکھایا ہے۔
مریم نواز نے صوبائی انتظامیہ کے اجلاس میں کمشنرز اور ڈپٹی کمشنرز کو ہدایت کی کہ حادثات کی روک تھام کے لیے صوبے بھر میں گٹر کے ڈھکن لگائے جائیں اور سڑکوں پر موجود گٹر کی درست تعمیر کی جائے۔
سوشل میڈیا پر اجلاس کا کلپ وائرل ہونے کے بعد صبا قمر نے کہا کہ بہتر طرز حکمرانی، عوامی فلاح و بہبود اور ترقی کے لیے اٹھایا جانے والا ہر قدم قابلِ تحسین ہے۔
