وزیراعظم شہباز شریف کی خصوصی ہدایت پر اعلیٰ حکومتی وفد برسی کی مرکزی تقریب میں شرکت کرے گا۔ حکومتی وفد کی قیادت اسپیکر قومی اسمبلی سردار ایاز صادق کر رہے ہیں، جبکہ وفد میں مشیرِ وزیراعظم رانا ثناء اللہ، وفاقی وزیر طارق فضل چوہدری اور اراکینِ قومی اسمبلی شامل ہیں۔ وفد پیپلزپارٹی کی مرکزی قیادت سے ملاقاتیں بھی کرے گا۔
اس موقع پر اسپیکر قومی اسمبلی سردار ایاز صادق نے کہا کہ آج ہم پاکستان کی عظیم بیٹی، سابق وزیراعظم شہید محترمہ بینظیر بھٹو کی برسی منا رہے ہیں۔ انہوں نے کہا کہ شہید بینظیر بھٹو نے خواتین کے کردار کو مضبوط بنانے میں تاریخی کردار ادا کیا اور پاکستان میں رواداری، برداشت، قانون کی حکمرانی اور عوامی فلاح کے سفر کو آگے بڑھایا۔
ایاز صادق کا کہنا تھا کہ شہید محترمہ بینظیر بھٹو کی جدوجہد اور قربانیاں ہمیشہ یاد رکھی جائیں گی اور وہ آج بھی قوم کے لیے مشعلِ راہ ہیں۔
