فلپائن کے شہر مکاتی میں ایک خاتون کے گٹر سے رینگتے ہوئے نکلنے کی ویڈیو اور تصاویر نے سوشل میڈیا پر تہلکہ مچا دیا۔

 تحقیقات سے پتہ چلا کہ یہ کوئی اتفاقیہ واقعہ نہیں بلکہ فلپائن کے بڑے شہروں میں زیر زمین سیوریج نظام میں رہنے والے افراد کی زندگی کا ایک دردناک عکاس ہے۔ واقعے کے منظر عام پر آنے کے بعد فلپائن کی حکومت نے فوری طور پر اس خاتون کو تلاش کیا اور اسے 80 ہزار فلپائنی پیسو (تقریباً 1435 امریکی ڈالر) کی مالی امداد فراہم کی اور ساتھ ہی اسے اعزازی “سوشل ورکر” کا لقب دیا گیا تاکہ وہ دیگر بے گھر افراد سے رابطہ کر کے ان کی مدد کر سکے۔