فلڈ فورکاسٹنگ ڈویژن نے پنجاب کے دریاؤں میں سیلاب کی تازہ ترین صورت حال کے اعداد و شمار جاری کر دیے۔
فلڈ فورکاسٹنگ ڈویژن کے مطابق دریائے چناب میں ہیڈ مرالہ کے مقام پر پانی کا بہاؤ 84 ہزار کیوسک، ہیڈ خانکی میں پانی کا بہاؤ ایک لاکھ 45 ہزار کیوسک، قادر آباد کے مقام پر ایک لاکھ 45 ہزار کیوسک ہے، اور چنیوٹ سے 95 ہزار کیوسک پانی گزر رہا ہے۔
ہیڈ تریموں کے مقام پر پانی کا بہاؤ 5 لاکھ 43 ہزار کیوسک ہے، دریائے چناب میں ہیڈ تریموں پر انتہائی اونچے درجے کا سیلاب ہے۔ دریائے راوی میں جسڑ کے مقام پر پانی کا بہاؤ 45 ہزار کیوسک، شاہدرہ کے مقام پر پانی کا بہاؤ 90 ہزار کیوسک، ہیڈ بلوکی کے مقام پر پانی کا بہاؤ ایک لاکھ 39 ہزار کیوسک، ہیڈ سدھنائی پر پانی کا بہاؤ ایک لاکھ 23 ہزار کیوسک ہے۔ دریائے راوی میں شاہدرہ کے مقام پر اونچے درجے کا سیلاب ہے، دریائے راوی میں ہیڈ بلوکی اور ہیڈ سرنائی پر انتہائی اونچے درجے کا سیلاب ہے۔
دریائے ستلج میں گنڈا سنگھ والا پر انتہائی اونچے درجے کا سیلاب ہے، ستلج میں گنڈا سنگھ والا کے مقام پر پانی کا بہاؤ 3 لاکھ 19 ہزار کیوسک، ہیڈ سلیمانکی کے مقام پر پانی کا بہاؤ ایک لاکھ 35 ہزار کیوسک، ہیڈ اسلام پر پانی کا بہاؤ ایک لاکھ 20 ہزار کیوسک، اور ہیڈ پنجند پر پانی کا بہاؤ 5 لاکھ 64 ہزار کیوسک ہے
