پنجاب حکومت نے صوبے کی چار اہم جامعات میں مستقل وائس چانسلرز کی تعیناتی کا فیصلہ کر لیا ہے۔ اس سلسلے میں حکومت نے موزوں اور اہل امیدواروں سے درخواستیں طلب کر لی ہیں۔
جن جامعات میں وائس چانسلرز تعینات کیے جائیں گے ان میں یونیورسٹی آف چکوال، ویمن یونیورسٹی ملتان، راولپنڈی ویمن یونیورسٹی اور نواز شریف یونیورسٹی آف انجینئرنگ اینڈ ٹیکنالوجی ملتان شامل ہیں۔
پنجاب حکومت نے وائس چانسلر کے عہدے کے خواہشمند افراد کو ہدایت کی ہے کہ وہ اپنی درخواستیں 12 ستمبر 2025 تک جمع کروائیں۔
