وزیر دفاع خواجہ محمد آصف نے افغان طالبان کی جانب سے پاکستان پر لگائے گئے جھوٹے اور بے بنیاد الزامات کو سختی سے مسترد کر دیا۔
اپنے بیان میں خواجہ آصف کا کہنا تھا کہ جو عناصر اسکول کے بچوں اور مساجد میں نمازیوں کے قاتل رہے ہیں وہ اسپتال میں داخل ہو کر مریضوں کو قتل کرنے اور پھر عالمی ہمدردی حاصل کرنے کے لیے پاکستان پر الزام لگانے کی صلاحیت بھی رکھتے ہیں۔
انہوں نے کہا کہ پاکستان پر لگائے گئے تمام الزامات بے بنیاد اور حقائق کے منافی ہیں۔
