پاکستان اسٹاک ایکسچینج میں نیا دن نیا ریکارڈ، نئی تاریخ رقم ہوگئی، پی ایس ایکس نے تاریخ کی بلند ترین سطح کا ریکارڈ توڑ دیا، انڈیکس دوران کاروبار پہلی بار ایک لاکھ 50 ہزار پوائنٹس کی سطح عبور کر گیا۔
پاکستان اسٹاک مارکیٹ کا کے ایس ای 100 انڈیکس دوران کاروبار 1835 پوائنٹس اضافے سے ایک لاکھ 50 ہزار 31 پوائنٹس پر جاپہنچا۔
رپورٹ کے مطابق نئے مالی سال کے آغاز (یکم جولائی) سے اب تک صرف 50 روز میں اسٹاک مارکیٹ انڈیکس میں 32 ہزار پوائنٹس کا اضافہ ہوچکا ہے۔
