پشاور: چیئرمین پاکستان تحریک انصاف بیرسٹر گوہر نے کہا ہے کہ وزیراعلیٰ خیبرپختونخوا سہیل آفریدی کی تبدیلی سے متعلق باتیں عوام میں بدگمانیاں پیدا کرنے کی کوشش ہیں۔ پشاور میں میڈیا سے گفتگو کرتے ہوئے انہوں نے کہا کہ ڈاکٹروں کی بھرتیوں سے متعلق شکایات سامنے آئی ہیں،
تاہم وزیر صحت کے مطابق تمام بھرتیاں شفاف طریقہ کار کے تحت کی گئی ہیں۔ بیرسٹر گوہر نے کہا کہ پی ٹی آئی حکومت نے اچھا بجٹ پیش کیا ہے، جبکہ سہیل آفریدی کو پارٹی ارکان کی حمایت حاصل ہے، اختلافِ رائے ضرور موجود ہے لیکن وزیراعلیٰ کے خلاف کوئی بلاک نہیں بنا۔ انہوں نے مزید کہا کہ علی امین گنڈاپور نے عمران خان کی ہدایت پر خود استعفیٰ دیا تھا اور وہ ایسا کوئی کام نہیں کر رہے جس سے پارٹی کو نقصان پہنچے۔
