نیپرا نے ملک بھر کے لیے بجلی فی یونٹ سستی کردی

اسلام آباد: نیپرا نے ملک بھر کے لیے بجلی ایک روپے 78 پیسے فی یونٹ سستی کردی۔
نیپرا کی جانب سے بجلی ایک روپے 78 پیسے جولائی کی ماہانہ فیول ایڈجسٹمنت کی مد میں سستی کی گئی ہے۔
نوٹیفکیشن کے مطابق بجلی سستی کرنے کا اطلاق کے الیکٹرک پر بھی ہوگا۔
نیپرا کا کہنا ہے کہ بجلی صارفین کو ستمبر کے بجلی بلوں میں ریلیف ملے گا۔
واضح رہے کہ سینٹرل پاور پرچیزنگ ایجنسی (سی پی پی اے) نے جولائی کی ایڈجسٹمنٹ میں ایک روپے 69 پیسے فی یونٹ کمی مانگی تھی۔
فیول ایڈجسٹمنٹ مد میں بجلی سستی کرنے سے صارفین کو تقریباً ساڑھے 24 ارب روپے کا ریلیف ملے گا۔