خیبرپختونخوا حکومت نے وفاق کے مقرر کردہ 1200 ارب روپے کے مالیاتی ہدف میں اپنا حصہ دینے پر آمادگی ظاہر کر دی ہے۔ ذرائع محکمہ خزانہ کے مطابق اگر دیگر صوبے بھی وفاق کو اپنے حصے کے مطابق وسائل فراہم کر رہے ہیں تو خیبرپختونخوا بھی اس عمل میں شامل ہو سکتی ہے۔
ذرائع کا کہنا ہے کہ وفاق کو 1200 ارب روپے فراہم کرنے سے متعلق حتمی فیصلہ آج ہونے والے قومی اقتصادی کونسل کے اجلاس میں کیا جائے گا۔ وفاقی حکومت کے مطالبے کے مطابق اس مجموعی رقم میں خیبرپختونخوا کا حصہ 180 ارب روپے بنتا ہے، جس پر اجلاس میں غور کیا جائے گا۔
