حکومت نے کمرشل طیاروں میں استعمال ہونے والے جیٹ فیول کی قیمت میں 7 روپے 15 پیسے فی لیٹر کمی کا اعلان کر دیا ہے، جس کے بعد نئی قیمت 231 روپے 72 پیسے فی لیٹر مقرر کر دی گئی ہے۔
ذرائع کے مطابق قیمتوں میں کمی سے فضائی کمپنیوں کے ایندھن کے اخراجات میں نمایاں کمی آئے گی، جس کے نتیجے میں ایئرلائنز کے آپریشنل اخراجات کم ہونے اور فضائی شعبے پر مثبت اثرات مرتب ہونے کی توقع ہے۔
یاد رہے کہ مشرقِ وسطیٰ میں حالیہ کشیدگی سے قبل جیٹ فیول کی قیمت تقریباً 188 روپے فی لیٹر تھی، تاہم عالمی منڈی میں تیل کی قیمتوں میں اضافے کے باعث اس میں نمایاں اضافہ دیکھنے میں آیا تھا۔
