اسلام آباد میں یوم آزادی اور معرکہ حق کی تقریب سے خطاب میں وزیراعظم شھباز شریف نے کہا ہے کہ وقت آچکا کہ سیاسی تقسیم اور کھوکھلے نعروں سے آگے بڑھ کر پاکستان کو مضبوط بنائیں۔ سب کو آج یوم آزادی کے 78 سال مکمل ہونے پر دل کی اتھاہ گہرائیوں سے مبارکباد پیش کرتا ہوں، آج کا دن کوئی عام دن نہیں، یہ وہ تاریخ ہے جس کے ہر موڑ پر ہمارے شہیدوں کے لہو کی نشانیاں نظر آتی ہیں۔
افواج نے بھارت کو ایسا سبق سکھایا کہ کبھی بھول نہیں پائے گا۔اسلام آباد میں یوم آزادی اور معرکہ حق کی تقریب سے خطاب میں انہوں نے کہا کہ وقت آچکا کہ سیاسی تقسیم اور کھوکھلے نعروں سے آگے بڑھ کر پاکستان کو مضبوط بنائیں
محض آزادی جنگ نہیں تھی، دو قومی نظریے کی فتح تھی، اپنی اور سب کی طرف سے بابائے قوم قائد اعظم، مفکر پاکستان اور تحریک پاکستان کے افراد کو سلام پیش کرتا ہوں۔ محمد علی جناح نے تینوں کام کر دکھائے اور پاکستان معرض وجود میں آیا۔
ہم نے اس جشن آزادی کو معرکہ حق کا نام دیا ہے، بھارت بھول گیا، جنگیں صرف ہتھیاروں کے بل بوتے پر نہیں لڑی جاتیں، اس کے لیے ایسے بیٹوں کی ضرورت ہوتی ہے جو جان ہتھیلی پر رکھ کر میدان جنگ میں کود جاتے ہیں۔یہ وہ بہادر اور دلیر جوان ہیں، جو سیسہ پلائی دیوار بن کر لڑتے ہیں ۔ جن کی مائیں کہتی ہیں اپنی جان دے دینا، وطن کی شان پر آنچ نہ آنے دینا۔
