ذرائع کے مطابق برازیل میں گزشتہ ایک سال سے کوئی مستقل اسرائیلی سفیرتعینات نہیں جس کی وجہ دونوں ممالک کے درمیان شدید سفارتی کشیدگی ہے۔
برازیلی صدرلولا ڈا سلوا نے اسرائیلی کارروائیوں کوغزہ میں نسل کشی قراردیا تھا اوراسرائیلی اقدامات کوہٹلرکے نازی دورکے مظالم سے تشبیہہ دی تھی، اس بیان پرردعمل دیتے ہوئے اسرائیل نے اپنے سفیرکوواپس بلا لیا تھا۔
اب اسرائیل نے گالی داگان کو سفیرنامزد کیا لیکن برازیل نے انہیں قبول کرنے سے انکارکرکے واضح کردیا کہ دونوں ممالک کے تعلقات میں تناؤ برقرار ہے، سفارتی ماہرین اسے ایک اہم عالمی پیغام قراردے رہے ہیں۔
