ایران نے امریکی ہیلی کاپٹر کو دانستہ طور پر نشانہ بنانے سے متعلق الزامات کو مسترد کر دیا ہے۔ ایرانی نائب وزیر خارجہ نے اپنے بیان میں کہا کہ خطے میں جاری کشیدہ صورتحال کے باعث اس نوعیت کے واقعات پیش آ سکتے ہیں، تاہم ہیلی کاپٹر کو جان بوجھ کر نشانہ بنانے کا دعویٰ درست نہیں۔
دوسری جانب ایرانی عسکری ذرائع نے بھی واضح کیا ہے کہ گزشتہ 24 گھنٹوں کے دوران آبنائے ہرمز میں ایران کی جانب سے کسی قسم کی فوجی کارروائی نہیں کی گئی۔ ذرائع کے مطابق ایران خطے میں امن اور استحکام کا خواہاں ہے، تاہم کسی بھی اشتعال انگیز اقدام کی صورت میں مناسب ردعمل دینے کا حق محفوظ رکھتا ہے۔
