اقوام متحدہ کی سلامتی کونسل میں پاکستان نے بھارت پر دہشت گردی برآمد کرنے کا الزام عائد کر دیا۔
پاکستانی کونسلر صائمہ سلیم نے مباحثے کے دوران کہا کہ مقبوضہ کشمیر میں شہریوں کو قتل، گرفتار اور بے دخل کیا جا رہا ہے۔
انہوں نے کہا کہ ٹی ٹی پی، بی ایل اے اور مجید بریگیڈ بھارت کے پراکسی گروہ ہیں، جبکہ بھارت میں مسلمانوں اور دیگر اقلیتوں پر ظلم معمول بن چکا ہے۔
صائمہ سلیم کے مطابق افغان سرزمین سے حملوں کی منصوبہ بندی اور سہولت کاری کی گئی، اور طالبان حکومت کے الزامات کو گمراہ کن مہم قرار دیا۔
