مقبول ویڈیو اسٹریمنگ پلیٹ فارم نیٹ فلکس نے آریان خان کی ہدایت کاری میں بننے والی پہلی ویب سیریز ’دی بیڈز آف بالی وڈ‘ کا ٹریلر جاری کر دیا۔
پروڈکشن ہاؤس ریڈ چلیز انٹرٹینمنٹ کے بینر تلے بننے والی اس ویب سیریز کے ذریعے بالی وڈ کے ’کنگ‘ شاہ رخ خان کے بیٹے آریان خان ہدایت کاری کی دنیا میں قدم رکھ رہے ہیں۔
’دی بیڈز آف بالی وڈ‘ سیریز آسمان سنگھ (لکشا) بھی جلوہ گر ہوں گے جو بڑے خوابوں کے ساتھ پُرجوش ہیں۔ وہ اپنے وفادار بہترین دوست پرویز (راگھو جوئیل)، تیز زبان منیجر سانیا (انیا سنگھ) اور ہمیشہ معاون خاندان کی مدد سے بالی وڈ کو فتح کرنے کی کوشش کرتے ہیں۔
سیریز میں ان کے چچا اوتار (منوج پاہوا) اور والدہ نیتا سنگھ (ماں نیتا سنگھ) بھی شامل ہیں۔
آسمان سنگھ اپنے آپ کو ابھی تک کے سب سے بڑے چیلنج یعنی سُپر اسٹار اجے تلوار (بوبی دیول) کے خلاف پاتے ہیں جب انہیں تلوار کی بیٹی اور بالی وڈ کی نئی آنے والی کرشمہ (سہیر بمبا) کے مقابل کاسٹ کیا جاتا ہے۔
منیش چودھری اور رجت بیدی نے بھی اس میں اداکاری کی ہے۔ کرن جوہر، رنویر سنگھ، سارہ علی خان، ایس ایس راجامولی، بادشاہ اور دیشا پٹانی بھی کاسٹ میں شامل ہیں۔
آسمان سنگھ کہتا ہے کہ میں یہاں (بالی وڈ) ایک اداکار بننے آیا تھا لیکن میں نے کبھی نہیں سوچا تھا کہ مجھے اتنی اداکاری کرنی پڑے گی۔
نیٹ فلکس کا کہنا ہے کہ ویب سیریز شارپ ون لائنرز اور زندگی سے زیادہ بڑے لمحات کا مرکب ہوگا، یہ ایک خود آگاہی کہانی جو اس بات کی کھوج کرتی ہے کہ جب خواہش اور انا آپس میں ٹکراتی ہے تو کیا ہوتا ہے۔
ویب سیریز 18 ستمبر 2025 کو نیٹ فلکس پر نشر کی جائے گی۔
شاہ رخ خان کے بیٹے آریان خان اس فلم کے ہدایت کار ہیں۔ ان کے ساتھ بلال صدیقی اور مناو چوہان بھی شامل ہیں جنہوں نے اسکرین پلے لکھا۔ بونی جین اور اکشت ورما ایگزیکٹو پروڈیوسر ہیں جبکہ ان کی والدہ گوری خان پروڈیوس کر رہی ہیں۔
