بھارتی نوجوانوں کی جماعت “کاکروچ جنتا پارٹی” کے پیپر لیک معاملے پر جاری احتجاج کے بعد وزیرِ تعلیم دھرمیندر پردھان نے عہدے سے استعفیٰ دے دیا۔
بھارتی میڈیا کے مطابق وزیرِ اعظم نریندر مودی نے دھرمیندر پردھان کا استعفیٰ منظور کر لیا ہے۔ رپورٹ کے مطابق یہ فیصلہ تقریباً دو ماہ سے جاری احتجاج کے تناظر میں سامنے آیا ہے۔
کاکروچ جنتا پارٹی کے ترجمان نے وزیرِ تعلیم کے استعفے پر ردعمل دیتے ہوئے کہا کہ اگر دھرمیندر پردھان نے استعفیٰ دیا ہے تو یہ خوش آئند بات ہے، تاہم حکومت کے ساتھ اس معاملے پر تاحال کوئی رابطہ نہیں ہوا۔
ترجمان کا مزید کہنا تھا کہ حکومت کی جانب سے کہا جاتا تھا کہ اس دورِ حکومت میں استعفے نہیں ہوتے، لیکن دھرمیندر پردھان کے استعفے سے ثابت ہوگیا کہ احتجاجی تحریک کامیاب رہی۔
