نئی دہلی: بھارتی میڈیا کے مطابق وفاقی وزیرِ تعلیم دھرمندر پردھان نے اپنا استعفیٰ وزیرِ اعظم نریندر مودی کو ارسال کر دیا، جسے قبول کر لیا گیا ہے۔ یہ پیش رفت نوجوانوں کی احتجاجی تحریک “کاکروچ جنتا پارٹی” کے مطالبات کے تناظر میں سامنے آئی ہے۔
اس سے قبل کاکروچ جنتا پارٹی کے ترجمان آشوتوش رنکا نے حکومت کو مطالبات تسلیم کرنے کے لیے دوپہر تک کی مہلت دیتے ہوئے کہا تھا کہ مذاکرات کے دوران وزیرِ تعلیم کے استعفے کے معاملے پر حکومت کو واضح مؤقف اختیار کرنا ہوگا۔
گزشتہ روز حکومت سے مذاکرات کے بعد طلبہ رہنماؤں نے خبردار کیا تھا کہ اگر وزیرِ تعلیم مستعفی نہ ہوئے تو احتجاج کو ملک بھر میں وسعت دی جائے گی۔ احتجاجی تحریک امتحانی نظام میں مبینہ بے ضابطگیوں اور اصلاحات کے مطالبات پر زور دے رہی ہے۔
آشوتوش رنکا نے سماجی کارکن سونم وانگچک کے خلاف سوشل میڈیا مہم کو افسوسناک قرار دیتے ہوئے کہا کہ 26 روز تک بھوک ہڑتال کرنے والے شخص کو تنقید کا نشانہ بنانا مناسب نہیں۔
