ڈی جی امیگریشن اینڈ پاسپورٹ محمد علی رندھاوا کی زیر صدارت ہونے والے اہم اجلاس میں امیگریشن اینڈ پاسپورٹ کی ڈیجیٹل ایپ پر ہونے والی پیشرفت کا جائزہ لیا گیا۔ اجلاس کے دوران شہریوں کو مزید سہولت فراہم کرنے کے لیے ڈور اسٹیپ پاسپورٹ ڈیلیوری سروس متعارف کرانے کا فیصلہ کیا گیا۔
ذرائع کے مطابق اس نئی سروس کے تحت شہریوں کو پاسپورٹ کے حصول کے لیے دفاتر کے چکر نہیں لگانا پڑیں گے بلکہ پاسپورٹ ان کی دہلیز تک پہنچایا جائے گا۔ اجلاس میں پاسپورٹ ڈیلیوری سے متعلق نئے ایس او پیز کو بھی حتمی شکل دے دی گئی ہے، جبکہ سروس کے باقاعدہ آغاز سے متعلق مزید تفصیلات جلد جاری کیے جانے کا امکان ہے۔
