کراچی: سرجانی ٹاؤن میں گاڑی سے ملنے والی لاش کے کیس کا معمہ پولیس نے حل کر لیا۔ ایس ایس پی ویسٹ طارق مستوئی کے مطابق ملزم نے قرض داروں سے بچنے کے لیے اپنی ہی موت کا ڈراما رچاتے ہوئے ایک بے گناہ شہری کو قتل کیا اور لاش کو اپنی ظاہر کرنے کی کوشش کی۔
پولیس کا کہنا ہے کہ واردات کے بعد ملزم نے گرفتاری سے بچنے کے لیے اپنا حلیہ بھی تبدیل کر لیا تھا، تاہم جدید ٹیکنالوجی، بائیومیٹرک اور دیگر ٹیکنیکل شواہد کی مدد سے مقتول کی شناخت اور ملزم تک رسائی ممکن ہوئی۔
ایس ایس پی ویسٹ کے مطابق ٹیکنیکل اور ہیومن انٹیلیجنس کی بنیاد پر مرکزی ملزم اور اس کے ایک ساتھی کو گرفتار کر لیا گیا ہے، جبکہ واقعے سے متعلق مزید تفتیش جاری ہے۔
