محکمہ ہائر ایجوکیشن بلوچستان نے ہڑتال میں شرکت کے الزام میں محکمہ کالجز کے 34 اساتذہ کو جبری ریٹائر کرنے کے احکامات جاری کر دیے ہیں۔
محکمانہ ذرائع کے مطابق جبری ریٹائر کیے گئے اساتذہ میں گریڈ 20 کی ایک پروفیسر، گریڈ 19 کے 5 ایسوسی ایٹ پروفیسرز، گریڈ 18 کے 12 اسسٹنٹ پروفیسرز اور گریڈ 17 کے 16 لیکچررز شامل ہیں۔
محکمہ ہائر ایجوکیشن کا کہنا ہے کہ اس سے قبل بھی ہڑتال کے معاملے پر 3 اسسٹنٹ پروفیسرز کو جبری ریٹائر کیا جا چکا ہے۔ حالیہ فیصلے کے بعد متاثرہ اساتذہ کی مجموعی تعداد 37 ہو گئی ہے۔ کوئٹہ: بلوچستان میں ہڑتال کرنے پر 34 اساتذہ کوجبری ریٹائر کردیا گیا۔
