جامعہ این ای ڈی کے وائس چانسلر ڈاکٹر محمد طفیل کو جامعہ کراچی کے وائس چانسلر کے عہدے کا اضافی چارج سونپ دیا گیا ہے، جس کا باضابطہ نوٹیفکیشن جاری کر دیا گیا ہے۔
نوٹیفکیشن کے مطابق ڈاکٹر محمد طفیل 28 جولائی سے جامعہ کراچی کی نئی ذمہ داریاں سنبھالیں گے۔
موجودہ وائس چانسلر جامعہ کراچی ڈاکٹر خالد محمود عراقی کی چار سالہ مدتِ ملازمت 28 جولائی کو مکمل ہو رہی ہے۔ اس سے قبل ڈاکٹر عراقی تقریباً تین برس قائم مقام وائس چانسلر کے طور پر بھی خدمات انجام دے چکے ہیں۔
ڈاکٹر خالد محمود عراقی مجموعی طور پر تقریباً سات برس تک جامعہ کراچی کی سربراہی کرتے رہے۔
