پاکستان اسٹاک ایکسچینج میں کاروباری ہفتے کے چوتھے روز بھی سرمایہ کاروں کا اعتماد برقرار رہا، جس کے نتیجے میں مارکیٹ میں تیزی کا رجحان دیکھنے میں آیا اور کے ایس ای 100 انڈیکس پہلی بار 1 لاکھ 85 ہزار پوائنٹس کی حد عبور کر گیا۔
کاروبار کے دوران 100 انڈیکس میں 1354 پوائنٹس کا نمایاں اضافہ ریکارڈ کیا گیا، جس کے بعد انڈیکس بڑھ کر 1 لاکھ 85 ہزار 404 پوائنٹس تک پہنچ گیا۔
ٹریڈنگ کے دوران انڈیکس کی کم ترین سطح 1 لاکھ 84 ہزار 840 پوائنٹس جبکہ بلند ترین سطح 1 لاکھ 85 ہزار 714 پوائنٹس ریکارڈ کی گئی، جو مارکیٹ میں مسلسل مثبت رجحان کی عکاسی کرتی ہے۔
یاد رہے کہ گزشتہ کاروباری روز کے اختتام پر کے ایس ای 100 انڈیکس 1 لاکھ 84 ہزار 50 پوائنٹس پر بند ہوا تھا، جبکہ آج کے آغاز سے ہی خریداری کا دباؤ نمایاں رہا۔
