فیفا ورلڈ کپ میں جرمنی کے خلاف تاریخی کامیابی کے بعد پیراگوئے میں جشن کا سماں ہے، جہاں صدر سانتیاگو پینا نے آج ملک بھر میں عام تعطیل کا اعلان کر دیا۔ ناک آؤٹ مرحلے کے سنسنی خیز مقابلے میں پیراگوئے نے جرمنی کو پنالٹی شوٹ آؤٹ میں شکست دے کر ٹورنامنٹ کا بڑا اپ سیٹ کیا
پیراگوئے بہترین تیسری پوزیشن حاصل کرنے والی ٹیموں میں شامل ہو کر آخری 32 مرحلے تک پہنچی تھی، لیکن اس نے عالمی طاقت سمجھی جانے والی جرمن ٹیم کو ایونٹ سے باہر کر دیا۔
ورلڈ کپ کی تاریخ میں یہ پہلا موقع ہے کہ جرمنی کو پنالٹی شوٹ آؤٹ میں شکست کا سامنا کرنا پڑا۔ فیصلہ کن پنالٹی جوزے کانالے نے اسکور کی، جبکہ صدر سانتیاگو پینا نے سوشل میڈیا پر ٹیم کو خراجِ تحسین پیش کرتے ہوئے کہا، “پیراگوئے کبھی ہار نہیں مانتا، آج قومی تعطیل ہے۔” اب پیراگوئے پری کوارٹر فائنل میں فرانس یا سویڈن میں سے کسی ایک ٹیم کا سامنا کرے گا۔
