کراچی : مبینہ طور پر منشیات کے بڑے نیٹ ورک میں ملوث ایک خاتون گرفتار

کراچی میں پولیس نے مبینہ طور پر منشیات کے بڑے نیٹ ورک میں ملوث ایک خاتون کو گرفتار کرنے کا دعویٰ کیا ہے، جس کے قبضے سے کروڑوں روپے مالیت کی کوکین، دیگر منشیات اور اسلحہ برآمد ہوا۔ حکام کے مطابق ملزمہ آن لائن آرڈرز اور مخصوص رائیڈرز کے ذریعے شہر بھر میں منشیات سپلائی کرتی تھی، جبکہ نیٹ ورک میں خواتین رائیڈرز بھی شامل تھیں تاکہ قانون نافذ کرنے والے اداروں سے بچا جا سکے، مزید تفتیش جاری ہے۔