ایرانی وزارت خارجہ کے ترجمان اسماعیل بقائی نے کہا ہے کہ تہران امریکی تجاویز پر غور کر رہا ہے اور کسی حتمی نتیجے پر پہنچنے کے بعد پاکستان کو اپنے مؤقف سے آگاہ کیا جائے گا۔ اپنے بیان میں انہوں نے کہا کہ جاری جنگ کی تمام تر ذمہ داری امریکا پر عائد ہوتی ہے اور پوری دنیا جانتی ہے کہ یہ جنگ امریکا کی جانب سے مسلط کی گئی۔
اسماعیل بقائی کا کہنا تھا کہ امریکا کا مقصد ایران کو کمزور کر کے گھٹنے ٹیکنے پر مجبور کرنا تھا، تاہم ایرانی قوم کبھی ہتھیار نہیں ڈالے گی۔ انہوں نے کہا کہ ایران اپنے قومی مفادات اور خودمختاری کے تحفظ کیلئے ہر ممکن اقدام کرے گا جبکہ موجودہ صورتحال میں ایرانی عوام متحد ہیں اور دشمن کے عزائم سے بخوبی آگاہ ہیں۔
