امریکا میں مہنگائی، سیاسی کشیدگی اور معیارِ زندگی سے متعلق مسائل کے باعث امریکی شہریوں کی بیرونِ ملک ہجرت میں نمایاں اضافہ دیکھا جا رہا ہے، جبکہ یورپی ممالک کے نرم ویزا قوانین اور ٹیکس مراعات اس رجحان کو مزید تقویت دے رہے ہیں۔
دی وال اسٹریٹ جرنل کی رپورٹ کے مطابق بڑی تعداد میں امریکی یورپ، ایشیا اور لاطینی امریکا منتقل ہو رہے ہیں، جس کے نتیجے میں امریکا کو کئی دہائیوں بعد منفی خالص ہجرت کا سامنا ہے۔
رپورٹ کے مطابق 2025 میں اندازاً ڈیڑھ لاکھ افراد کے ملک چھوڑنے سے وہ صورتحال پیدا ہوئی جو آخری بار عظیم کساد بازاری کے دوران دیکھی گئی تھی، اور یہ تبدیلی اس بات کی عکاس ہے کہ اب امریکی شہری خود بہتر طرزِ زندگی کی تلاش میں دیگر ممالک کا رخ کر رہے ہیں۔
