محکمہ تعلیم سندھ نے اسکول طلبہ میں ویپ کے بڑھتے استعمال پر تشویش ظاہر کرتے ہوئے ڈپٹی کمشنرز کو تعلیمی اداروں کے اطراف دکانوں اور کیفیز کی نگرانی سخت کرنے کا حکم دے دیا۔
مراسلے کے مطابق جماعت نہم تا بارہویں کے طلبہ کے بیگز کی چیکنگ کے دوران ویپ ڈیوائسز برآمد ہوئیں اور طلبہ نے انہیں قریبی دکانوں اور کیفے سے خریدنے کا اعتراف کیا، جس پر حکام کو باقاعدہ انسپکشن یقینی بنانے اور ضرورت پڑنے پر اسکولوں کے قریب موجود کیفیز منتقل کرنے کی ہدایت جاری کی گئی۔
