دبئی: اولمپک گولڈ میڈلسٹ ارشد ندیم کوایوارڈ سے نواز دیا گیا

دبئی میں پاکستان کے اولمپک گولڈ میڈلسٹ ارشد ندیم کو دبئی کے حکمران کے نام سے منسوب شیخ محمد بن زاید ایوارڈ سے نواز دیا گیا۔ دبئی میں منعقدہ ورلڈ اسپورٹس سمٹ کے دوران دنیائے اسپورٹس کی نامور شخصیات کی موجودگی میں ارشد ندیم کو یہ اعزاز دیا گیا۔ انہیں 17ویں دبئی اسپورٹس ورلڈ سمٹ میں ایوارڈ پیش کیا گیا، جو دبئی کے حکمران کے صاحبزادے شیخ منصور بن محمد بن راشد المختوم نے دیا۔ واضح رہے کہ ارشد ندیم نے 2024 کے پیرس اولمپکس میں 92 اعشاریہ 97 میٹر کی شاندار تھرو کے ساتھ جیولین مقابلے میں گولڈ میڈل جیت کر پاکستان کا نام روشن کیا تھا۔