سابق گورنر اسٹیٹ بینک آف پاکستان ڈاکٹر شمشاد اختر انتقال کر گئیں
سابق گورنر اسٹیٹ بینک آف پاکستان (ایس بی پی) ڈاکٹر شمشاد اختر انتقال کر گئیں۔ خاندانی ذرائع کے مطابق ان کا انتقال حرکتِ قلب بند ہونے کے باعث ہوا۔ وہ اسٹیٹ بینک آف پاکستان کی پہلی خاتون گورنر تھیں۔
ڈاکٹر شمشاد اختر مختلف اہم مالیاتی اداروں سے وابستہ رہیں اور وہ پاکستان اسٹاک ایکسچینج اور سوئی سدرن گیس کمپنی (ایس ایس جی سی) کی چیئرپرسن بھی رہ چکی تھیں۔
مرحومہ کی نمازِ جنازہ کل بعد نمازِ ظہر کراچی میں ادا کی جائے گی، جہاں سیاسی، مالی اور بینکاری حلقوں سے تعلق رکھنے والی شخصیات انہیں خراجِ عقیدت پیش کریں گی۔
