پاکستان کے معروف کاروباری شخصیت عارف حبیب نے پاکستان انٹرنیشنل ایئرلائنز (پاکستان انٹرنیشنل ایئرلائنز) کی خریداری کے بعد قومی ایئرلائن کے بیڑے میں نمایاں اضافے کا اعلان کر دیا ہے۔
اسلام آباد میں پی آئی اے کی بولی میں کامیابی کے بعد عارف حبیب نے میڈیا سے گفتگو کرتے ہوئے اپنے پیغام میں کہا کہ حکومت نے بہت شفاف انداز میں پی آئی اے کی نجکاری کی ہے اور پی آئی اے کی بولی سے پاکستانی معیشت کو فائدہ ہوگا۔
انہوں نے کہا کہ آج پاکستان کی جیت ہوئی ہے، بیرونی سرمایہ کار پاکستان کی طرف راغب ہوں گے اور ملک میں مزید سرمایہ کاری کو فروغ ملے گا۔
انہوں نے کہا کہ ظاہر ہے جب توسیع کریں گے تو مزید لوگوں کے لیے روزگار کے مواقع پیدا ہوں گے اور موجودہ عملے اور تجربہ کار لوگوں کو بھی بہت اچھے مواقع ملیں گے۔
