متحدہ عرب امارات کے صدر شیخ محمد بن زید النیہان جمعہ کو پاکستان کے سرکاری دورے پر پہنچیں گے۔
پاکستان پہنچنے پر متحدہ عرب امارات کے صدر کا شاندار اور پروقار استقبال کیا جائے گا، جبکہ اس دورے کے دوران دونوں ممالک کے درمیان دوطرفہ تعلقات اور خطے کی سلامتی سے متعلق امور پر تفصیلی مشاورت متوقع ہے۔
ذرائع کے مطابق پاکستان میں شیخ محمد بن زید النیہان کے دورے کے تمام انتظامات مکمل کر لیے گئے ہیں۔ صدر پاکستان کی جانب سے متحدہ عرب امارات کے صدر کا باضابطہ استقبال کیا جائے گا۔
حکام کا کہنا ہے کہ یہ دورہ دوطرفہ تعلقات کو مزید فروغ دینے اور خطے میں مشترکہ مفادات کے فروغ کے لیے اہم سنگِ میل ثابت ہوگا۔ ملاقاتوں اور مذاکرات کے بعد مشترکہ اعلامیہ بھی جاری کیا جائے گا، جس میں دونوں ممالک کے تعلقات اور مستقبل کے منصوبوں کا خاکہ پیش کیا جائے گا۔
