ڈی جی سول ایوی ایشن اتھارٹی کے وارنٹِ گرفتاری جاری

سندھ ہائی کورٹ کے آئینی بینچ نے عدالتی احکامات کے باوجود ریٹائرڈ افسر کو پینشن جاری نہ کرنے پر ڈی جی سول ایوی ایشن اتھارٹی کے وارنٹِ گرفتاری جاری کر دیے۔عدالت نے ڈی جی سول ایوی ایشن اتھارٹی کے ایک لاکھ روپے کے مچلکوں کے عوض قابلِ ضمانت وارنٹ گرفتاری جاری کرتے ہوئے حکم دیا ہے کہ انہیں آئندہ سماعت پر عدالت میں پیش کیا جائے۔عدالت نے ریمارکس دیے کہ عدالتی احکامات پر عملدرآمد نہ کرنا ناقابلِ قبول ہے۔