وزیراعظم آزاد کشمیر کے خلاف تحریک عدم اعتماد پر رائے شماری مکمل کرلی گئی، فیصل ممتاز راٹھور کے حق میں 36 اور مخالفت میں دو ووٹ آئے۔
ممبران اسمبلی نے ہاتھ کھڑے کرکے رائے شماری میں حصہ لیا۔
پیپلزپارٹی کے راجہ فیصل ممتاز راٹھور 36 ووٹ سے آزاد کشمیر کے نئے قائد ایوان منتخب ہوگئے جس کے بعد فیصل ممتاز آزاد کشمیر کے نئے وزیر اعظم منتخب ہوگئے۔
اس سے قبل ایوان سے خطاب میں وزیر اعظم آزاد کشمیر چوہدری انوار الحق نے کہا یہ کیسے ہوسکتا ہے ایک شخص ہی آئین اورانتظامی ڈھانچےکی تباہی کاذمہ دارہو ، کیا ان کی کابینہ کے ممبران اس کے ذمہ دارنہیں۔
تحریک کی کامیابی کے بعد وزیراعظم ممتاز راٹھور کی حلف برداری کل ہونے کا امکان ہے۔
ذرائع کے مطابق علالت کے باعث صدر آزاد کشمیر بیرسٹر سلطان محمود نئے وزیراعظم سے حلف نہیں لیں گے۔ اسپیکر آزاد کشمیر اسمبلی چوہدری لطیف اکبر نئے وزیر اعظم سے حلف لیں گے۔
