سائنسدان جیمس واٹسن طویل علالت کے بعد انتقال کرگئے

نیویارک(8 نومبر 2025): جینیٹیکس سائنس میں نوبل انعام پانے والے سائنسدان جیمس واٹسن ستانوے برس کی عمر میں طویل علالت کے بعد انتقال کرگئے۔
جیمس واٹسن کی موت کی تصدیق کولڈ اسپرنگ ہاربر لیبارٹری کے ترجمان نے کی ہے، انہوں نے بتایا کہ جیمس بیماری کے بعد 97 سال کی عمر میں انتقال کر گئے۔
جیمس واٹسن نے نوبل انعام جیتا تھا۔ 1953 میں فرانسس کرک اور روزالنڈ فرینکلن کی مدد سے انہوں نے DNA کی ڈبل ہیلکس ساخت کی تحققات کی، جو جینیٹکس اور حیاتیات کی بنیاد بنی، اس کے لیے 1962 میں فزیالوجی یا میڈیسن میں انہیں نوبل انعام ملا۔
 اپنی موت سے قبل ایک انٹرویو میں جیمس واٹسن نے بتایا تھا کہ وہ اپنی زندگی میں کچھ اہم کام کرنا چاہتے تھے، وہ سچائی کی کھوج میں تھے اور یہی ان کے زندگی کا مقصد تھا۔
جیمز ڈی وی واٹسن 6 اپریل 1928 کو شکاگو، الینوائے، امریکہ میں پیدا ہوئے۔ وہ 15 سال کی عمر میں یونیورسٹی آف شکاگو میں داخل ہوئے اور 1947 میں بیچلر ڈگری حاصل کی۔ 1950 میں انڈینا یونیورسٹی سے ڈاکٹریٹ کی ڈگری حاصل کی تھی۔