غزالہ ہاشمی نے ورجینیا میں تاریخ رقم کر دی ، پہلی مسلم نائب گورنر منتخب

ورجینیا : غزالہ ہاشمی نے ورجینیا میں تاریخ رقم کر دی، 60 سال کی عمر میں پہلی بھارتی نژاد لیفٹیننٹ گورنر بن گئیں۔
تفصیلات کے مطابق امریکی ریاست ورجینیا میں ڈیموکریٹس نے اپنی سیاسی ساکھ بحال کرلی، ڈیموکریٹ امیدوار ابیگیل اسپینبرگر ورجینیا کی پہلی خاتون گورنر منتخب ہوگئیں اور غزالہ ہاشمی نے پہلی مسلم نائب گورنر بننے کا اعزاز حاصل کرلیا۔
انتخابی نتائج میں غزالہ ہاشمی نے 12 لاکھ 72 ہزار 699 ووٹ حاصل کیے جبکہ ان کے حریف جان ریڈ کو 10 لاکھ 43 ہزار 90 ووٹ ملے۔ وہ اس سے قبل دو بار ریاستی سینیٹر رہ چکی ہیں اور جنوبی ایشیائی نژاد پہلی خاتون سینیٹر بھی رہیں۔
غزالہ ایک تجربہ کار ماہرِ تعلیم ہیں اور وہ شمولیتی اقدار کے فروغ اور تشدد کے خلاف پُرامن اقدامات کی حامی سمجھی جاتی ہیں۔
دوسری جانب ریاست نیوجرسی میں بھی ڈیموکریٹ امیدوار میکی شیرل نے گورنر کا الیکشن جیت لیا، جہاں انہوں نے ری پبلکن امیدوار اور سابق رکن اسمبلی جیک چیٹریلی کو شکست دی۔
اسی ریاست کے شہر جرسی سٹی میں پاکستانی نژاد مصعب علی میئر کے عہدے کے امیدوار ہیں، جبکہ اٹلانٹا میں آندرے ڈکنز دوسری مدت کے لیے دوبارہ میئر منتخب ہوگئے۔
امریکا میں ڈیموکریٹس کی یہ مسلسل کامیابیاں مڈٹرم الیکشنز سے قبل پارٹی کے لیے حوصلہ افزا پیش رفت قرار دی جارہی ہیں۔