بالی وڈ کے سُپر اسٹار شاہ رخ خان کی 60ویں سالگرہ کے موقع پر ان کی آئندہ ریلیز ہونے والی ایکشن فلم ’کنگ‘ کا پہلا ٹیزر جاری کر دیا گیا۔
انڈین میڈیا کے مطابق شاہ رخ خان کی 60ویں سالگرہ عالمی سطح پر اسٹارڈم، اسٹائل اور سنیما کا جشن بن گئی۔ 2 نومبر کو ڈائریکٹر سدھارتھ آنند، پروڈکشن ہاؤسز مارفلکس پکچرز اور ریڈ چلیز انٹرٹینمنٹ نے سُپرسٹار کی اگلی بڑی ایکشن انٹرٹینر فلم کا ٹائٹل ’کنگ‘ جاری کیا جو فوراً انٹرنیٹ پر چھا گیا۔
یہ بھی پڑھیں: بھارتی فلمساز نے شاہ رخ خان کو ’مغرور‘ قرار دے دیا
ایک منٹ کے ٹیزر میں شاہ رخ خان کو پہلے کبھی نہ دیکھے گئے اوتار میں دکھایا گیا ہے جس میں سیاہ لباس، منفرد بال اور کانوں میں زیورات کے ساتھ وہ شدت کے ساتھ افراتفری میں سے گزرتے ہیں۔
ٹیزر اس لائن سے شروع ہوتا ہے جو پہلے ہی وائرل ہو چکی ہے: 100 دیشوں میں بدنام، دنیا نے دیا صرف ایک ہی نام – کنگ۔۔۔
ڈائریکٹر سدھارتھ آنند نے ویڈیو آن لائن شیئر کرتے ہوئے کیپشن لکھا کہ کنگ کا شو ٹائم شروع، سنیماز میں 2026۔۔۔
ٹیزر میں ہائی اوکٹین ایکشن، تیز ویژولز اور شاہ رخ خان کی موجودگی کے جھلک دکھائی گئی ہے جو مداحوں کو یاد دلاتی ہے کہ وہ بالی وڈ کا ’کنگ‘ کیوں کہلاتے ہیں۔
کنگ کا ٹیزر سدھارتھ آنند کی بڑی اسکرین اسپیکٹیکل کی دستخطی فلئر کی عکاسی بھی کرتا ہے۔ اسے ان کی اب تک کی سب سے بڑی فلم قرار دیا جا رہا ہے۔
ریڈ چلیز انٹرٹینمنٹ اور مارفلکس پکچرز کی پروڈکشن 2026 میں تھیٹرز میں ریلیز ہوگی، ٹیزر مداحوں کیلیےسالگرہ کا خصوصی سرپرائز تھا۔
