کراچی: خواتین کو روزگار کا جھانسہ دے کر فحاشی پر مجبور کرنے والا 5 رکنی گروہ گرفتار

شاہ لطیف پولیس نے روزگار اور مالی مدد کا جھانسہ دے کر خواتین کو فحاشی پر مجبور کرنے والے 5 رکنی گروہ کو گرفتار کر لیا۔
شاہ لطیف پولیس نے بتایا کہ گرفتار ملزمان میں عروج، عبدالستار، عرفان، کنیز اور مسکان شامل ہیں، ملزمہ عروج گروہ کی سرغنہ ہے جو فحاشی کے دھندے میں ملوث رہی ہے۔
پولیس نے بتایا کہ ملوث گروہ اکثر غریب اور مجبور خواتین کو اپنے جال میں پھنسا کر فحاشی پر مجبور کرتا تھا، 8 سال قبل نواب شاہ کی رہائشی ایک ذہنی طور پر کمزور خاتون لاپتا ہوگئی تھی جس کو گروہ نے اپنے مذموم مقاصد کیلیے استعمال کیا تھا۔
مزید بتایا گیا کہ گرفتار ملزمہ نے بتایا کہ خواتین کو مالی مدد اور روزگار کا جھانسہ دے کر فحاشی میں ملوث کیا جاتا تھا، گرفتار ملزمان کے خلاف ضابطے کے تحت قانونی کارروائی کی جا رہی ہے