ایران : کرپشن اور بدانتظامی بےنقاب ہونے پر نجی بینک ’’آئندہ‘‘ تحلیل

ایران میں کرپشن اور بدانتظامی بےنقاب ہونے پر بڑے نجی بینک ’’آئندہ‘‘ کو تحلیل کرد یا گیا۔
خبر ایجنسی کے مطابق ایران کے مرکزی بینک نے آئندہ بینک کو تحلیل کر کے بینک ملی میں ضم کر دیا۔
ایرانی حکومت کا کہنا ہے کہ آئندہ بینک کی تمام شاخیں اتوار تک بینک ملی میں تبدیل کر دی جائیں گی۔ بینک آئندہ کے مالی نقصانات نے تباہ حال ایران کی معیشت کو ہلا کر رکھ دیا۔
آئندہ بینک کے خاتمے سے ایران کے معاشی بحران میں شدت کا خدشہ ہے۔ مرکزی بینک کا کہنا ہے کہ بینک آئندہ نے اندرونی افراد کو اربوں کے غیرقانونی قرضے دیئے۔
بینک کے بانی علی انصاری ایران کے امیرترین خاندانوں میں شامل ہیں۔ علی انصاری نے اسٹیل، ٹیلی کام، اسپتالوں سمیت متعدد منصوبوں میں سرمایہ لگایا۔