وزیراعلیٰ سندھ مراد علی شاہ نے گاڑی اور موٹر سائیکل مالکان کو خبردار کردیا

کراچی: وزیراعلیٰ سندھ مراد علی شاہ نے گاڑی اور موٹر سائیکل مالکان کو خبردار کیا ہے کہ ٹریفک قوانین کی خلاف ورزی پر پہلے چالان پر وارننگ دی جائے گی اور دوسری بار 20 ہزار روپے جرمانہ بھی ادا کرنا ہوگا۔
تفصیلات کے مطابق وزیراعلیٰ سندھ سید مراد علی شاہ نے فیس لیس ای ٹریکنگ اور ای ٹریفک مینجمنٹ سسٹم کے آغاز کی تقریب سے خطاب کرتے ہوئے کہا کہ سندھ پولیس نے ڈیجیٹائزیشن کے سفر میں ایک اور سنگ میل عبور کیا ہے، یہ منصوبہ ٹیکنالوجی، شفافیت اور عوامی خدمت کی علامت ہے۔
سندھ پولیس کومبارکباددیتاہوں، سندھ پولیس نےٹریفک مینجمنٹ سسٹم بنایاہے ، ڈیجیٹائزیشن کےسفرمیں ٹریفک مینجمنٹ سسٹم اہمیت رکھتاہے،وزیراعلیٰ نے بتایا کہ ابتدائی طور پر کراچی میں 200 کیمرے نصب کیے گئے ہیں، جبکہ منصوبے کے تحت کیمروں کی تعداد 12 ہزار تک بڑھائی جائے گی اور نظام کو مرحلہ وار پورے سندھ میں وسعت دی جائے گی۔
مراد علی شاہ نے کہا کہ جدید کیمروں کے ذریعے ٹریفک خلاف ورزیاں خودکار طور پر ریکارڈ ہوں گی، جس سے انسانی مداخلت اور جانبداری کا خاتمہ ہوگا۔
انہوں نے بتایا کہ 1965 کے موٹر وہیکل آرڈیننس میں ترامیم عوامی مفاد میں اہم قانون سازی ہے۔
وزیراعلیٰ سندھ کا کہنا تھا کہ 30 کلومیٹر فی گھنٹہ سے زائد رفتار پر چالان خودکار طور پر جاری ہوگا، پہلے چالان پر وارننگ دی جائے گی، اور اگر دوسری بار خلاف ورزی ہوئی تو پہلی بار کا 20 ہزار روپے جرمانہ بھی ادا کرنا ہوگا۔
انھوں نے بتایا کہ ٹریفک اہلکار کو درست چالان پر 15 فیصد شیئر جبکہ غلط چالان پر 30 فیصد جرمانہ خود بھرنا ہوگا۔
مراد علی شاہ نے کہا کہ سندھ اسمال سرویلنس سسٹم صوبے کے ایگزٹ پوائنٹس کی نگرانی کرتا ہے، اور کئی جرائم اسی نظام کے ذریعے پکڑے گئے ہیں، سندھ ایک بار پھر فخر سے سب سے آگے ہے، جدید ٹیکنالوجی کے ذریعے شفاف حکمرانی سندھ حکومت کا عزم ہے.