بھارت میں آئی سی سی ویمن ورلڈ کپ کھیلنے والی دو آسٹریلین کرکٹرز کو اندور میں ہراساں کیا گیا۔
بھارت میں انٹرنیشنل کھلاڑی بھی اب غیر محفوظ ہیں، بھارت میں آئی سی سی ورلڈ کپ کے دوران انتہائی ناقص انتظامات کا پول کھل گیا، اندور میں ہوٹل سے کیفے جانے والی دو آسٹریلین کرکٹرز کو سڑک پر موٹرسائیکل سوار نے ہراساں کیا۔
میڈیا رپورٹس کے مطابق آسٹریلین کرکٹرز کو سڑک پر دو بار نامناسب انداز میں چھوا گیا، اس واقعے کی آسٹریلین ٹیم کے سیکیورٹی مینیجر ڈینی سمنز نے پولیس میں رپورٹ کروائی ہے۔
کرکٹ آسٹریلیا کی جانب سے جاری بیان میں کہا گیا ہے کہ موٹر سائیکل سوار نے خواتین کھلاڑیوں کو چھو کر ہراساں کیا، آسٹریلین سیکیورٹی انچارج نے پولیس کو رپورٹ کردی ہے۔
میڈیا رپورٹس کے مطابق یہ واقعہ جمعرات کی صبح پیش آیا تھا جب آسٹریلوی ٹیم کی کھلاڑی اپنے ہوٹل سے باہر نکل کر قریبی کیفے کی طرف جا رہی تھیں۔
اندور پولیس کے مطابق موٹر سائیکل سوار کو گرفتار کر لیا گیا، غیر ملکی کھلاڑیوں کے ساتھ کوئی سیکیورٹی آفیسر موجود نہیں تھا، پولیس نے کہا کہ ملزم کے خلاف فوجداری مقدمات درج ہیں اور واقعے کی مزید تفتیش جاری ہے۔
اس سے قبل رواں ور لڈکپ کے دوران آسٹریلین ویمنز ٹیم کے کھانے کے وقت لابی میں چوہےکے گھسنے سے کھلاڑیوں کی دوڑ لگ گئی تھی، بھارت کا دورہ کرنے والی آسٹریلین اے کے کھلاڑی ہوٹل کا کھانا کھا کر فوڈ پوائزن کا شکار ہو کر اسپتال میں داخل ہوئے تھے۔
بھارت میں آسٹریلوی ٹیم کی کینٹن میں چوہا نکلنے پر کھلاڑیوں کی دوڑیں لگ گئیں
بھارت :آئی سی سی ویمن ورلڈ کپ کھیلنے والی دو آسٹریلین کرکٹرزاندور میں ہراساں
