سوشل میڈیا پر پاکستانی شوبز کی سینئر اداکارہ شگفتہ اعجاز کے وزن میں حیرت انگیز کمی نے صارفین اور مداحوں کے درمیان نئی بحث چھیڑ دی ہے۔
اداکارہ نے مختصر وقت میں اتنا وزن کم کرلیا ہے کہ اب وہ لڑکی جیسی نظر آتی ہیں، اور ان کی بیٹیاں بھی جن کا وزن پہلے زیادہ تھا، اب کافی پتلی دکھائی دیتی ہیں۔
سوشل میڈیا صارفین کا دعویٰ ہے کہ شگفتہ اعجاز اور ان کی بیٹیاں وزن کم کرنے کے لیے ذیابطیس کے مریضوں کے لیے استعمال ہونے والا انجیکشن “اوزیمپک” استعمال کر رہی ہیں، حالانکہ اداکارہ یا ان کے اہل خانہ کی جانب سے اس بارے میں کوئی تصدیق نہیں کی گئی۔
واضح رہے کہ چند ماہ قبل شگفتہ اعجاز کے شوہر انتقال کر گئے تھے، جس کے بعد اداکارہ نے کہا تھا کہ ان کی زندگی میں شوہر کے جانے سے بڑی تبدیلی آئی اور وہ چھ ماہ بعد اس صدمے سے باہر آئیں۔
